Chikagolik politsiyachi qora tanli o‘smirning qotilligida ayblandi

AQShda 17 yoshli qora tanli o‘smir Lakuan Makdonaldni otib o‘ldirgan chikagolik politsiyachiga nisbatan ayblov e’lon qilindi. Bu haqda Meduza xabar beradi .

Foto: MIGnews

Politsiya xodimi Jeyson Van Daykka birinchi darajali qotillik aybi qo‘yildi. Bu xizmat vazifasini bajarish davomida sodir etilgan qotillikda ayblangan birinchi chikagolik politsiyachidir.
Chikago hukumati qotillik sodir etilgan paytni qayd etgan kuzatuv kamerasi videoyozuvini ommaga havola etgandan bir necha soat o‘tib, ayblov e’lon qilindi.
Videoyozuvda ofitserning yo‘l o‘rtasida ketayotgan o‘smirga qarata o‘t ochganligini ko‘rish mumkin. Yaralangan o‘smir yerga qulagandan so‘ng, politsiya xodimi unga qarata yana bir nechta o‘q uzgan. Politsiya xodimlaridan hech biri o‘smirga yordam ko‘rsatishga urinmagan.
Lakuan Makdonald 2014-yilning 20-oktabrida o‘ldirilgan edi.
Batafsil | Подробно | Read more... Daryo