Samarqand shahridagi 74 ta ko‘p qavatli uylarda 227 ta lift xizmatidan foydalanilmoqda, deya xabar bermoqda “Zarafshon” gazetasi.
Foto: “Zarafshon” gazetasi (“Zarnews.uz”)
Biroq shaharda liftlar bilan bog‘liq muammolar ko‘p — liftlardagi maxsus qurilmalar, kerakli uskunalar eskirgan, ularning aksariyati muddatini o‘tab bo‘lgan va yangisiga almashtirilishi lozim, shirkatlar esa lift motorlarini ta’mirlashda qiyinchiliklarga duch kelmoqda.
Rasmiy ma’lumotlarga ko‘ra, 2015/2016-yilgi kuz-qish mavsumiga tayyorgarlik ko‘rish davomida liftlarning shahar ko‘p qavatli uylaridagi liftlarning 29 tasida nosozliklar aniqlangan, kamchiliklarni bartaraf etish yuzasidan ta’mirlash ishlari olib borilgan.
“Lekin ko‘p qavatli uylardagi liftlarning hammasi ham aholiga ko‘ngildagidek xizmat ko‘rsatyapti, deb bo‘lmaydi. Jumladan, Sartepa maskanida joylashgan “Hofiz Sheroziy” mahalla fuqarolar yig‘ini hududidagi ayrim ko‘p qavatli uylarda bunga o‘zimiz guvoh bo‘ldik”, — deb yozadi “Zarafshon” gazetasi muxbiri.
Ma’lum bo‘lishicha, mahalladagi to‘qqiz qavatli 12- hamda 20-uylarning o‘nta yo‘lagiga o‘rnatilgan liftlarning atigi bittasi ishlayapti, qolgan nosoz liftlarning faoliyat ko‘rsatmay qo‘yganiga bir necha oy bo‘lgan, yillar davomida ishlatilmayotgan liftlar ham bor.
“Uylarning birinchi qavatidagi bir nechta yo‘laklarda liftlarning kirish eshigi oldi hatto kichik chiqindixona yoki omborxonaga aylantirilganini ko‘rib, [liftlar uzoq muddatdan beri ishlatilmayotganiga] o‘zimiz ham ishonch hosil qildik”, — deyiladi gazetadagi xabarda.
Gazetaning yozishicha, ushbu ko‘p qavatli uylarda istiqomat qilayotganlar “lift ishlayotgan vaqtda ham undan foydalanishga qo‘rqadi” — elektr ta’minotida tez-tez uzilishlar bo‘lishi sababli, lift ichida qamalib qolgan odamlar elektr ta’minoti tiklanishi yoki liftsoz kelishini soatlab kutishga majbur bo‘lmoqda.
Mazkur uylar uchun mas’ul hisoblangan “Omad” uy-joy mulkdorlari shirkati mutasaddilarining ta’kidlashicha, elektr ta’minotidagi uzilishlar liftlarni nosoz holatga keltirmoqda, lift motorlarni ta’mirlash qimmatga tushmoqda.
Batafsil | Подробно | Read more... Daryo
Related News
Top News
-
"Saraton va boshqa jiddiy kasalliklar bog‘chadagi sifatsiz taomlanishdan kelib chiqmoqda" - mutaxassis bilan suhbat.
Ayrim davlat bog‘chalari achinarli ahvolda ekani rasmiy minbar orqali tan olindi va tanqid qilindi. .
-
Dam olish kunlari kutilayotgan ob-havo ma’lum qilindi.
Shanba, yakshanba kunlari O‘zbekiston bo‘yicha havo biroz bulutli bo‘ladi, yog‘ingarchilik kutilmaydi, harorat 34−39 darajani tashkil etishi...
-
G‘azoni tark etolmayotgan bemorlar, Fransiyadan Ukrainaga yordam va Rossiyaning Donbassdagi rejalari - kun dayjesti.
Jahonda o‘tgan kun davomida ro‘y bergan eng asosiy voqealar va yangiliklar sharhi bilan odatdagidek kundalik dayjestimizda tanishtiramiz..
-
"Брайтон"ни немис мураббийи бошқариши мумкин
Фабиан Хёрцелер "Брайтон"ни бошқариши мумкин.
-
Germaniya va Fransiya - Rossiyaga qimmatbaho avtomobillar yetkazib berish blokadasiga qarshi.
2023 yilda Yevropa Ittifoqidan Belarusga asosan qimmatbaho avtomobillar importi hajmi 2,3 milliard yevroni tashkil etdi. Bu 2021 yil darajasidan...
-
Zelenskiy Fransiya parlamentida hududiy yon bosish imkonini rad etdi.
Fransiya qonun chiqaruvchilariga murojaatida Ukraina prezidenti hududiy yon berish imkoniyatini rad etdi va o‘z mamlakatining Rossiyaga qarshi...