Xitoyda favqulodda ob-havo sharoitlari uchun moslashtirilgan tezyurar poyezd ishga tushirilmoqda

Xitoyda 2015-yil oxiriga qadar favqulodda sharoitlar — bo‘ron, jazirama va qahraton sovuqda harakatlanishga qodir tezyurar poyezd paydo bo‘ladi. Bu haqda National Geographic xabar bermoqda .

Foto: National Geographic

Yangi modelni yaratish ustida CRRC Corp davlat kompaniyasi uch yil davomida ish olib bordi. CRH2G poyezdi qum bo‘ronlari, kuchli shamol va dengiz sathidan 3,6 ming metr balandlikda harakatlanishi mumkin. 40 daraja sovuqdan 45 daraja issiqqacha bo‘lgan haroratda ishlay oladi, intensiv ultrabinafsha nurlanishiga bardoshli.
Poyezd soatiga 250 kilometr tezlikka chiqishi mumkin, garchi bu temiryo‘l transportidagi eng yuqori ko‘rsatkich bo‘lmasa-da, favqulodda ob-havo sharoitlarida bu talab ham etilmaydi. Kompaniya yangi poyezd dunyoning ko‘plab mamlakatlari, birinchi galda, Yaqin Sharq davlatlari va Rossiyada qiziqish uyg‘otishiga umid qilmoqda.
Batafsil | Подробно | Read more... Daryo