Jahonning eng oliyhimmat 15 mamlakati (foto)

Oramizda saxiylik va mehribonlik kabi tushunchalar yaqin kelajakda yo‘q bo‘lib ketadi, deb o‘ylaydiganlar ham yo‘q emas. Biroq statistika buning tamomila aksini ko‘rsatmoqda, deb yozadi “Interesno”.
Shu kecha-kunduzda volontyorlik faoliyati bilan shug‘ullanayotganlar, notanish odamlarga yordam qo‘lini cho‘zayotganlar va xayriya ishlari uchun pul mablag‘larini ehson qilayotganlar ko‘plab topiladi.
1. Turkmaniston

Foto: “Interesno”

Turkmaniston — ko‘ngillilar faoliyati bo‘yicha MDHda birinchi o‘rinda turadi. Mamlakatda muntazam ravishda tashkil etiladigan “shanbaliklar”da odamlar ko‘ngilli ravishda jamoat ishlari bilan shug‘ullanadi.
2. Tailand

Foto: “Interesno”

Sayyohlar orasida ommabopligi bilan tanilgan Janubi-Sharqiy Osiyodagi bu mamlakat pul ehson qilish bo‘yicha jahonda 10-o‘rinda turadi. Qayd etish joiz, bu qadar katta xayriya pullari asosan buddaviy koxinlarning haddan tashqari ko‘pligi sabab to‘planadi.
3. Yamayka

Foto: “Interesno”

Karib havzasidagi quvnoq mamlakatlardan biri notanish odamlarga yordam berish bo‘yicha jahonda to‘rtinchi o‘rinni band etgan.
4. Malta

Foto: “Interesno”

Maltaliklar notanish kishilarga ancha shubha bilan munosabatda bo‘lsalar-da, mamlakat ehsonlar hajmi bo‘yicha jahonda 2-o‘rinda turadi. Malta aholisining deyarli 78 foizi muntazam ravishda xayriya ishlari uchun pul ajratadi.
5. Islandiya

Foto: “Interesno”

Islandiyaliklar ham notanish odamlarni unchalik yoqtirmaydi, volontyorlik faoliyati ham yaxshi rivojlanmagan. Biroq xayriya ishlari uchun ehson pullari ajratish bo‘yicha Islandiya jahon mamlakatlari orasida yettinchi o‘rindan mustahkam joy egallagan.
6. Indoneziya

Foto: “Interesno”

Aksariyat rivojlanayotgan mamlakatlarning farovonlik darajasini pastligi odamlarning xayriya bilan shug‘ullanishiga xalal beradi, biroq Indoneziya bu masalada qoidadan tashqari istisnolardan biri. Mamlakat pul mablag‘larini xayriyaga sarflash bo‘yicha 10-o‘rinda, volontyorlik faoliyati bo‘yicha esa 13-pog‘onadan joy olgan.
7. Butan

Foto: “Interesno”

Butan ham oliyhimmat mamlakatlardan biri. Bu yil mamlakat ilk bor “jahonning eng oliyhimmat mamlakatlari” ro‘yxatiga kiritildi. Tog‘ qirolligi volontyorlik bo‘yicha 9-, ehsonlar darajasi bo‘yicha esa 12-o‘rinni egalladi.
8. Trinidad va Tobago

Foto: “Interesno”

Bu mamlakatda eng arzon mehmonxonani qayerdan topish mumkinligi haqidagi savolingizga javob beruvchi har doim bor, odamlar hatto o‘sha mehmonxonaga joylashishga-da yordam berishadi. Juda ehtiyojmand bo‘lsangiz, mahalliy aholi uyidan ham joy ajratib berishi mumkin. Begonalarga yordam berish bo‘yicha Trinidad va Tobago jahondagi ikkinchi mamlakatdir.
9. Shri-Lanka

Foto: “Interesno”

Mamlakatda 26 yil davom etgan fuqarolar urushi 2009-yili yakuniga yetganidan so‘ng, Shri-Lankaning reytinglari sezilarli o‘sdi. Mamlakat volontyorlik faoliyati bo‘yicha jahonda uchinchi o‘rinni egallagan.
10. Buyuk Britaniya

Foto: “Interesno”

Britaniyada odamlar xayriya ishlari bilan shug‘ullanishni yaxshi ko‘radi (4-o‘rin), biroq notanish odamlarga nisbatan munosabat yetarli darajada sovuq (24-o‘rinda).
11. Avstraliya

Foto: “Interesno”

Reytingda muntazam ravishda qatnashib keladigan Avstraliya bu yil ehsonlar bo‘yicha 10-, notanishlarga yordam berish bo‘yicha 12-, volontyorlik faoliyati bo‘yicha esa 16-o‘rinni egalladi.
12. Yangi Zelandiya

Foto: “Interesno”

Biror ishga ko‘ngilli ravishda bosh qo‘shish bo‘yicha 5-o‘rin, begona odamlarga yordam berish bo‘yicha 7-o‘rin, xayr-ehson qilish bo‘yicha 13-o‘rin — Yangi Zelandiya, Avstraliya bilan birgalikda, jahonning eng oliyhimmat hududlaridan biri hisoblanadi.
13. Irlandiya

Foto: “Interesno”

Mamlakatda aksariyat Yevropa mamlakatlariga xos manzarani kuzatish mumkin: ehsonlar darajasi ancha yuqori (4-o‘rin), volontyorlik ham yetarli darajada yaxshi rivojlangan (10-o‘rin), biroq aholi begonalarga yordam berishga unchalik ham tayyor emas (15-o‘rin).
14. Kanada

Foto: “Interesno”

Zarang yaprog‘i mamlakati — Yer yuzining eng oliyhimmat burchaklaridan biri: xayriya ishlari bo‘yicha 6-pog‘ona, ko‘ngillilar faoliyati bo‘yicha 5-o‘rin, begonalarga yordam berish bo‘yicha esa 11-o‘rin aynan Kanadaga tegishli.
15. AQSh va Myanma

Foto: “Interesno”

AQSh uchala ko‘rsatkich bo‘yicha kuchli o‘nlikdan joy oldi (begonalarga yordam berish — 1-o‘rin, volontyorlik — 5-o‘rin, xayriya — 9-o‘rin), Myanma esa xayr-ehson ishlari bo‘yicha butun dunyoda yetakchi (1-o‘rin), shuningdek, volontyorlik faoliyati bo‘yicha 2-o‘rinda. Biroq begonalarga bo‘lgan munosabat juda yomon — 63-o‘rin.
Batafsil | Подробно | Read more... Daryo