АҚШда Марсга парвоз имитацияси бўйича 365 кунлик тажриба бошланди

Гавайи оролларида NASA’нинг чекланган маконда одамларнинг ҳаёт кечириши билан боғлиқ бир йил давом этадиган тажриба миссияси бошланди. «Inform.kz» хабарига кўра , тажриба Марсга учадиган парвози бошқариладиган миссияни тайёрлаш доирасида ўтказилмоқда.

Фото: inform.kz

Экипаж олти кишидан — франциялик астробиолог, германиялик физик ва тўрт америкалик — учувчи, архитектор, шифокор ( ҳам журналист) ва тупроқшуносдан ташкил топган.
Диаметри 11, баландлиги 6 метр бўлган гумбаз остида миссиянинг ҳар бир иштирокчиси учун мўлжалланган мўъжаз уйчалар бор. Аёллар ва эркаклар гумбаз остидан фақат скафандрларда ташқарига чиқиши мумкин.
Овқат сифатида фақат кукунга айлантирилган пишлоқ ёки консерваланган тунец каби маҳсулотлардан фойдаланилади. Бундан ташқари, миссия қатнашчиларининг интернетдан фойдаланишлари ҳам чеклаб қўйилади.
Қайд этишларича, модул жойлаштирилган Мауна-Лоа тоғлари округида жониворлар ва ўсимликлар қарийб учрамайди.
Миссиядан кўзланган асосий мақсад — олти киши чекланган маконда мусаффо ҳаво ва янги овқатсиз узоқ вақт давомида яшай оладими-йўқми, деган саволга жавоб топишдир.
Batafsil | Подробно | Read more... Daryo