Mi-8 vertolyoti halokatga uchragani munosabati bilan Krasnoyarskda motam e’lon qilindi

Mi-8 rusumli vertolyot halokatga uchraganligi munosabati bilan Krasnoyarsk o‘lkasida 27-noyabr motam kuni deb e’lon qilindi. Ushbu hudud gubernatori Viktor Tolokonskiy tegishli farmoyishga imzo qo‘ydi. Bu haqda Meduza xabar beradi .

Foto: “TASS”

G‘arbiy Sibir transport prokuraturasi tasdiqlagan manbalarga ko‘ra, vertolyotning halokatga uchrashi oqibatida 10 kishi, shu jumladan, ekipaj a’zolaridan uch nafari halok bo‘lgan. Avvalgi xabarlarda 15 kishi qurbon bo‘lgani haqida ma’lum qilingan edi .
Vertolyot bortida jami 25 kishi bo‘lgan. “Barcha tirik qolganlar va jarohat olganlar Igarka shahar shifoxonasi reanimatsiyasiga joylashtirildi”, ― deya xabar beradi prokuratura vakillari.
“Turuxan” aviakompaniyasiga tegishli bo‘lgan Mi-8 rusumli vertolyot Igarka aeroportidan ikki kilometr uzoqlikda 25-noyabr kuni halokatga uchradi . Vertolyot Igarka shahridan Vankor koni hududiga yo‘l olgan edi.
Batafsil | Подробно | Read more... Daryo