Коррупция можароси сабаб «Жэньминь жибао» газетасининг сайти раҳбарияти ҳайдалди

Хитой Коммунистик партияси Марказий комитети бош матбуот органи — «Жэньминь жибао» газетаси тузилмасига кирувчи «Жэньминьван» интернет-порталининг коррупцияда гумон қилинган топ-менежерлари ишдан ҳайдалди. Бу ҳақда «ТАСС» хабар бермоқда .

Фото: people.com.cн/

Хабар беришларича, «Жэньминьван» акциядорлик компанияси президенти Ляо Хуна ва директор кенгаши аъзоси, компания вице-президенти Чен Чжися «эгаллаб турган лавозимидан бўшатилган». «Компаниянинг янги президенти этиб Ню Ибин тайинланди», — дейилади «Сина» хабарида.
Хитойнинг энг йирик ОАВларидан биридаги коррупция можароси ўтган ҳафта — 28 август куни Хэнань вилояти халқ прокуратураси Ляо Хуна ва Чэн Чжисяга нисбатан порахўрлик гумони билан жиноят иши қўзғатиб, дастлабки тергов ҳаракатларини ўтказганидан сўнг бошланди.
1997 йилда ташкил этилган «Жэньминьван» нафақат Хитой, балки жаҳондаги энг йирик интернет-порталлардан бири ҳисобланади. Компания 2012 йили ўз акцияларини Шанхай фонд биржасига бирламчи жойлаштириш жараёни (IPO)ни амалга оширган эди.
Batafsil | Подробно | Read more... Daryo