Tergov Nemsovning ishi bo‘yicha Putinning sobiq soqchisini so‘roq qilishdan bosh tortdi

Tergov Rossiya ichki ishlar vazirligi ichki qo‘shinlari bosh qo‘mondoni Viktor Zolotovni Boris Nemsovning o‘ldirilishi haqidagi ish bo‘yicha so‘roq qilishdan bosh tortdi, deya xabar bermoqda “RBK” Nemsovning farzandlari manfaatini himoya qilayotgan advokat Vadim Proxorovga tayanib.

Foto: PhotoXpress

Advokat rad javobi hech qanday asosga ega emas, deb hisoblashini va bu yuzasidan sudga shikoyat arizasi berishini ma’lum qildi.
5-noyabr kuni Proxorov Nemsovning ishi bo‘yicha so‘roqqa Zolotovni chaqirishni so‘ragan edi. Uning aniqlik kiritishicha, qotillikda bosh ayblanuvchi Zaur Dadayev xizmat qilgan “Sever” batalyoni Zolotovning muassasasi tuzilmasiga kiradi.
Viktor Zolotov ichki ishlar vazirligi ichki qo‘shinlari bosh qo‘mondoni bo‘lgunicha, Rossiya prezidenti xavfsizligi xizmatini boshqargan.
Batafsil | Подробно | Read more... Daryo