Turkiya sohilbo‘yida qochoqlar qayig‘i cho‘kib ketishi natijasida to‘rt nafar bola halok bo‘ldi

Qochoqlarni Gretsiyaga olib o‘tayotgan yana bir qayiq Turkiya qirg‘og‘i yaqinida cho‘kishi oqibatida to‘rt nafar bola halok bo‘ldi. Bu haqda AFP agentligi bergan ma’lumotlarga asoslanib, “TASS” xabar bermoqda .

Foto: “Gogetnews.info”

Ma’lumotlarga ko‘ra, qurbonlar afg‘onistonlik bo‘lgan. Halok bo‘lganlardan tashqari qayiqda suriyalik va afg‘onistonliklardan iborat 51 kishi bo‘lgan va ular qutqarilgan.
Avvalroq Turkiya sohili yaqinida yana bir qayiqning to‘ntarilishi oqibatida ikki nafar bolaning halok bo‘lgani, 15 kishi qutqarilib, Bodrum shahrining politsiya bo‘linmasiga yuborilgani xabar qilingandi.
Xalqaro Migratsiya Tashkiloti (XMT) keltirgan ma’lumotlarga ko‘ra, 2015-yilning boshidan O‘rtayer dengizi orqali Yevropaga 704 mingdan ziyod muhojir kelib tushgan. Eng ko‘p muhojirlar – 560 ming kishini Gretsiya qabul qilgan bo‘lib, Italiyaga 139,5 ming kishi qochib kelgan. XMTga ko‘ra, 2015-yilning boshidan hozirga qadar Yevropaga yetib olish maqsadida harakat qilgan 3,2 ming kishi dengizda halok bo‘lgan.
Batafsil | Подробно | Read more... Daryo