Sankt-Peterburg yuk avtomobil haydovchilari “Moskvaga safar” e‘lon qildi

Federal avtomobil yo‘llaridan foydalanganlik uchun to‘lov kiritilishiga norozi bo‘lgan peterburglik uzoq masofaga qatnovchi yuk avtomobil haydovchilari “Moskvaga safar uyushtirishga qaror qildi”. Bu haqda haydovchilar vakili Aleksandr Ximane bergan ma’lumotlarga asoslanib, “Meduza” xabar bermoqda .

Foto: “ProVED”

Peterburglik haydovchilar Moskvaga 2015-yil 30-dekabr kuni kirib kelish niyatida. Shu kuni Rossiya poytaxtiga dog‘istonlik yuk avtomobil haydovchilari ham yetib kelmoqchi.
Transport vaziri bilan uchrashuv Sankt-Peterburgning Moskva tumani ma’muriy binosida bo‘lib o‘tdi. Uchrashuv oldidan bino oldiga mahbuslar avtomashinasi olib kelindi, haydovchilarni maxsus bo‘linma xodimlari nazorat qilib turdi.
Eslatib o‘tamiz, Sankt-Peterburgda uzoq masofaga qatnovchi haydovchilar yuk avtomobillarining Federal trassada qatnashi uchun to‘lanadigan to‘lovga qarshi norozilik aksiyasi davomida avtomobil shinalarini yoqqan edi .
Batafsil | Подробно | Read more... Daryo