Fransiya hukumati Parijda bo‘lib o‘tgan teraktdan so‘ng ming kishiga mamlakatga kirishni taqiqlab qo‘ydi

Fransiya hukumati xavfsizlik chora-tadbirlari kuchaytirilganligi munosabati bilan mamlakatga ming kishiga kirishni taqiqlagan. Bu haqda Fransiya Ichki ishlar vaziri Bernard Kaznev bergan ma’lumotlarga asoslanib “TASS” xabar beradi .
 

Foto: “Hronika.info”

“Parijda amalga oshirilgan terrorchilik hujumlaridan va Fransiyada favqulodda vaziyat joriy qilinganidan keyin mingga yaqin kishiga, ular milliy xavfsizlikka bilvosita tahdid solganliklari tufayli — davlatga kirib kelishiga ruxsat berilmagan”, ― deya ta’kidladi vazir.
Yangi terroristik hujumlarning oldini olish maqsadida xavfsizlik choralari kuchaytirilishidan tashqari, Le Burje shahrida 2015-yil 30-noyabrda ochilishi kutilayotgan BMT iqlim o‘zgarishi bo‘yicha konvensiya doirasi taraflarining 21-konferensiyasini bevosita qo‘riqlash uchun 10 mingga yaqin huquq-tartibot idoralari vakili jalb etilgan.
Batafsil | Подробно | Read more... Daryo