Kemeron: IShIDni yo‘q qilish uchun birgina harbiy kuch kifoya bo‘lmaydi

Buyuk Britaniya bosh vaziri Devid Kemeron BMT mamlakatlari hukumat rahbarlari sammiti doirasidagi matbuot anjumanida IShID terrorchilik tashkilotini yo‘q qilish uchun birgina harbiy kuch kifoya qilmasligini aytdi, deb yozadi “Gazeta.ru”.

Foto: “Ibtimes.co.uk”

“Yaxlit strategiya kerak. Biz bu muammoni qo‘shimcha harbiy kuch bilangina hal qilish mumkinligiga ishonmaymiz. Biz siyosiy strategiyamizni, diplomatik strategiyamizni to‘liq ko‘lamda qo‘llashimiz va, albatta, qayta tiklash bo‘yicha zarur ishlarni ta’minlashimiz kerak, bu bilan Suriyadagi urush tugaganidan so‘ng shug‘ullanamiz”, — dedi bosh vazir.
Nashr eslatishicha, avvalroq Kemeron britaniyalik harbiylar Suriyada quruqlikdagi operatsiyada qatnashmasligini ma’lum qilgandi.
Batafsil | Подробно | Read more... Daryo