“BMBOX.COM” xalqaro internet-do‘konining qo‘shaloq tanlovi g‘oliblari mukofotlandi

O‘zbekistonda yaqindagina o‘z faoliyatini boshlagan “ BMBOX.COM ” xalqaro internet-do‘koni 2015-yil 9-oktabrdan 10-noyabrgacha Facebook va Instagram ijtimoiy tarmoqlarida o‘tkazilgan sovrinli tanlovi yakunlarini e’lon qildi. Bu “ BMBOX.COM ”ning bunday tanlovlardagi ilk tajribasi bo‘lgani sababli xalqaro internet-do‘konning butun jamoasi dastlabki konkurs loyihasi taqdiri uchun kuchli hayajonni his etdi.

Foto: “BMBOX.COM”

Tanlovning sharti har bir ishtirokchidan tanlov haqidagi postga izoh qoldirish, “layk” bosish, xabarni bo‘lishish kabi oddiy shartlarni talab qilishiga qaramay, tashkilotchilar oldida tanlovning barcha qoidalarini bajargan qatnashchilardan hech kimni unutmagan holda, barchani inobatga olishdek jiddiy vazifa turgandi. Ishtirokchilarning umumiy soni uch yarim mingdan ortiqroq ekanligi va tanlov bir vaqtning o‘zida ikkita ijtimoiy tarmoqda olib borilganligini inobatga olganda “ BMBOX.COM ” har kuni qanchalik bosim ostida ishlaganini tasavvur qilish mumkin.
Barcha ishtirokchilar bilan tezkorlik bilan bog‘lanib, hech kimni e’tiborsiz qoldirmasdan barcha savollarga javob bergan holda, “ BMBOX.COM ” o‘z vazifasini a’lo darajada uddaladi va 10-noyabr kuni “Random.org” sayti yordamida smartfon bilan taqdirlangan ikki ishtirokchi nomini aniqladi. Bundan tashqari, qo‘shimcha sovrin — “ BMBOX.COM ”ning chegirmali kuponlariga ega bo‘lgan yana yuz qatnashchi aniqlandi.

Foto: “BMBOX.COM”

G‘oliblarni taqdirlash marosimi Samsung kompaniyasining rasmiy dillerlik do‘konida o‘tkazildi. Alohida takidlash joizki, “ BMBOX.COM ” va Samsung kompaniyasi uzoq yillardan beri o‘zaro istiqbolli hamkorlikka ega bo‘lib, tanlov ham ularning ko‘magi ostida amalga oshirildi. “ BMBOX.COM ” internet-do‘koni jamoasi o‘z finalchilarini chin ko‘ngildan tabrikladi hamda ularga mukofotlarni topshirdi.  Instagram ’dagi tanlovda g‘olib chiqqan Stepan Abramov  Samsung Galaxy S6 Edge  telefoni bilan taqdirlangan bo‘lsa,  Facebook ’dagi tanlovda birinchi bo‘lgan Oybek Xo‘jayev Apple iPhone 6s Plus Rose Gold 64GB  egasiga aylandi. Samimiy quvonch tuyg‘ulari nafaqat g‘oliblarni, balki “ BMBOX.COM ” jamoasini ham qamrab oldi, sovrinlarni topshirish marosimidagi unutilmas lahzalardan olingan video lavhalarni siz “ BMBOX.COM ” saytida tomosha qilishingiz mumkin.

Foto: “BMBOX.COM”

Amal qilish muddati besh oy bo‘lgan chegirmali kuponlarni yutib olgan yuz nafar ishtirokchi o‘z mukofotlarini Facebook-messenjer orqali elektron ko‘rinishda oldilar. Kupon sohiblari uni o‘z xohishiga ko‘ra boshqa birovga taqdim etishi ham mumkin. Kupon egalarining to‘liq ro‘yxati “ BMBOX.COM ” saytida qayd etilgan.

Foto: “BMBOX.COM”

Konkurs yakunlariga to‘xtalar ekan, “ BMBOX.COM ” xalqaro internet-do‘koni mazkur tanlov tufayli “ BMBOX.COM ”ning mushtariylari va muxlislari bilan aloqalar o‘rnatilgani va mustahkamlangani, tanlovni katta qiziqish bilan kuzatib borgan ishtirokchilarga esa yorqin taassurotlarni taqdim etganidan xursand.

Foto: “BMBOX.COM”

Va, albatta, “ BMBOX.COM ” xalqaro internet-do‘koni jamoasi tanlov ko‘magida o‘z mijozlariga ko‘k – aniqrog‘i, “ BMBOX.COM ”ning rasmiy ranglari kabi ko‘k-sariq rangli omad qushini tutishdek imkoniyatni baxshida etganliklaridan cheksiz mamnuniyatdalar. Biz bilan qoling. “ BMBOX.COM ” xalqaro internet-do‘koni jamoasi.
Reklama huquqi asosida. Xizmatlar litsenziyalangan. Goods and Services Impex MChJ xizmat ko‘rsatadi
Batafsil | Подробно | Read more... Daryo