Sankt-Peterburgda haydovchilarning norozilik aksiyasi koordinatori qo‘lga olindi

Sankt-Peterburgda politsiya uzoq masofaga qatnovchi haydovchilarning norozilik aksiyasi koordinatori Aleksandr Rastorguyevni qo‘lga oldi. Bu haqda “Gazeta.ru” xabar bermoqda .

Foto:  “Argumenti i fakti”

“Rastorguyevni soxta vaj bilan ushlashdi. Aksiyaning boshqa tashkilotchilari bilan ham telefon orqali umuman bog‘lanib bo‘lmayapti. Postlarda nazorat kuchaytirilgan, hujjatlar tekshirilib, bo‘sh mashinalar o‘tkazilmayapti. Hatto yo‘l yoqasida to‘xtashga ham ruxsat yo‘q, darrov yo‘l-patrul xizmati paydo bo‘ladi”, — deya shikoyat qilgan shaharning uzoq masofaga qatnovchi haydovchilari vakili Aleksandr Ximane.
OAV ma’lumotlariga ko‘ra, Rastorguyev politsiya tomonidan 500 rubl jarimani vaqtida to‘lamagani uchun ushlangan.
Eslatib o‘tamiz, oldinroq federal avtomobil yo‘llaridan foydalanganlik uchun to‘lovlarga norozilik aksiyasida ishtirok etish uchun Moskvaga yo‘l olgan dog‘istonliklar postlarda sababsiz to‘xtatilayotgani haqida xabar bergandik .
Batafsil | Подробно | Read more... Daryo