Moskvada rejessyor Eldar Ryazanov olamdan o‘tdi

Moskvada 88 yoshli Eldar Ryazanov bir hafta muqaddam joylashtirilgan kasalxonada olamdan o‘tdi. Bu haqda “RBK” xabar bermoqda .

Foto: “Novosti-Kazaxstan”

Rejessyorning o‘limi haqidagi xabarni u bilan birga ishlagan Irena Lesnevskaya o‘z feysbukidagi sahifasida qoldirgan.
Ryazanovning vafoti haqidagi ma’lumotni uning oila a’zolari ham tasdiqlagan. “Interfaks” agentligi rejessyorning do‘sti oilasi bergan ma’lumotga asoslanib xabar berishicha, Ryazanov yurak yetishmovchiligi xastaligidan vafot etgan.
Joriy yilning sentabr—oktabr oylarida u rejali ravishda davolangan va kasalxonadan chiqarilgan edi. Ammo bir hafta oldin uni yana kasalxonaga yotqizishga majbur bo‘lishdi.  Rejessyorning salomatligini og‘ir deb baholashgan edi o‘shanda. Unga sun’iy nafas beruvchi apparat ulab qo‘yishgan edi, ammo bu ham Eldar Ryazanovning yashab qolishiga yordam bermadi.
Batafsil | Подробно | Read more... Daryo