Ramzan Qodirov “Terek” va “Zenit” o‘rtasidagi o‘yinda mikrofondan atigi bir necha soniya foydalanganini ma’lum qildi

Checheniston rahbari va “Terek” klubi faxriy prezidenti Ramzan Qodirov Instagram’dagi sahifasida futbol bo‘yicha Rossiya chempionatining “Terek” va “Zenit” jamoalari o‘rtasidagi o‘yinida mikrofondan bir necha soniya foydalanganini ma’lum qildi. Bu haqda “TASS” xabar bermoqda .

Foto: “Sports.ru”

“O‘yin davomida mikrofondan bir necha soniya davomida foydalandim. ‘Balli, hakam!’ dedim va ‘Match TV’ kanaliga minnatdorchilik bildirdim. Yana kim gapirganini bilmayman, — deya ta’kidlagan Qodirov. — Grozniydagi o‘yinlarda maydonga mash’ala, futbolchilarga esa butilka otilmaydi. Piter jamoasining bosh murabbiyi yirik mag‘lubiyat sabablariga izoh berish o‘rniga mikrofon, hakamning jur’atsizligi va hokazolar haqida gapirdi. ‘Yomon sozandaga sozi xalaqit beradi’, deb bejiz aytishmagan”, — deya ta’kidlagan Qodirov.

Andre Villash-Boash. Foto: “NTV”

Eslatib o‘tamiz, 28-noyabr, shanba kuni Grozniyda bo‘lib o‘tgan bahs 4:1 hisobida “Terek” foydasiga hal bo‘ldi. “Zenit” bosh murabbiyi Andre Villash-Boash “Match TV” kanaliga bergan intervyusida Ramzan Qodirovni nazarda tutib, “kimdir to‘xtamasdan mikrofon orqali baqirdi, hakamning esa buni to‘xtatishga jur’ati yetmadi”, — deya shikoyat qilgandi .
Batafsil | Подробно | Read more... Daryo