Термизда «Кексаларнинг дуосини олайлик» ижтимоий акцияси ўтказилди

Термизда Ўзбекистон Республикаси Хотин-қизлар қўмитаси, «Нуроний» жамғармаси, «Маҳалла» хайрия жамоат фонди, «Камолот» ёшлар ижтимоий ҳаракати, Фуқаролик жамияти шаклланишини мониторинг қилиш мустақил институти ва бошқа мутасадди ташкилотлар ҳамкорлигида ўтказилган ижтимоий акция «Кексаларнинг дуосини олайлик» деб номланди. Бу ҳақда ЎзА хабар бермоқда .

Архив. Фото: kamolot.uz

Тадбирда нуронийлар, ёшлар ва оммавий ахборот воситалари ходимлари иштирок этди.
– Бугунги ёшларга биз кўрган ситамлар, собиқ тузум давридаги шароит ҳақида гапирсам, эртак деб ўйлашади, – дейди меҳнат фахрийси Шоберди бобо Қурбонов. – Бир томондан шунисига ҳам қувонаман. Илоҳим, улар у кунларни ҳеч қачон кўрмасин. Мустақил юртда озод ва фаровон яшасин. Истиқлол бизга шу неъматни берди. Давлатимиз томонидан ёши улуғларга ҳар томонлама эътибор ва ғамхўрлик кўрсатилаётир. Бунинг учун Юртбошимиздан беҳад миннатдормиз.
Сурхондарё вилоятида 140 мингдан ортиқ олтмиш ёшдан ошган отахон ва онахон фаровон ҳаёт кечирмоқда. Уларнинг олти минг уч юз нафари уруш ва меҳнат фронти фахрийси, 185 нафари Иккинчи жаҳон уруши қатнашчисидир. Акция доирасида уларнинг ҳолидан хабар олиниб, моддий ва маънавий ёрдам кўрсатилди.
Тадбир доирасида миллий ҳунармандлик маҳсулотлари кўргазмаси намойиш этилди. Мустақиллик, тинчлик ва дўстликни тараннум этувчи куй-қўшиқлар янгради.
Batafsil | Подробно | Read more... Daryo