Фарғона вилоятида 16 ҳарбий хизматчи оиласи янги уйга кўчиб ўтди

Ўзбекистон Республикаси Миллий хавфсизлик хизмати чегара қўшинларининг Фарғона вилоятидаги ҳарбий қисмларидан бирида ҳарбий хизматчилар учун чегара пости мажмуаси ва янги уй-жой фойдаланишга топширилди. Ушбу замонавий уйларга 16 ҳарбий хизматчи оиласи кўчиб ўтди, деб хабар беради ЎзА.

Фото: uza.uz

Тадбирда ҳарбий хизматчилар, давлат ва жамоат ташкилотлари вакиллари, уруш ва меҳнат фронти фахрийлари, ёшлар иштирок этди.
– Биз, ҳарбийлар учун яратилаётган шароитлардан жуда мамнунмиз, – дейди лейтенант Ҳамиджон Ғаффоров. – Оиламиз учун ажратилган хонадонда барча қулайликлар муҳайё. Шароитлар шаҳарникидан асло қолишмайди. Оиламиз ёнимизда. Давлатимиз ҳарбий хизматчиларни ҳар томонлама қўллаб-қувватлаётган экан, биз ҳам шунга муносиб бўлишга, Ватанимиз тинчлиги, халқимиз осойишталиги йўлида садоқат билан хизмат қилишга ваъда берамиз.
Янги чегара пости мажмуаси ҳарбий хизматчиларга Ўзбекистон мустақиллигининг 24 йиллик байрами олдидан ажойиб совға бўлди.
Таниқли санъаткорлар ва ёш ижрочиларнинг Ватан, мустақиллик, тинчлик ва ёшликни тараннум этувчи куй-қўшиқлари тадбирга байрамона шукуҳ бағишлади.
Тадбирда Фарғона вилояти ҳокими Ш.Ғаниев сўзга чиқди.
Batafsil | Подробно | Read more... Daryo