Bitta mobil telefonni ishlab chiqarishda 86 kg chiqindi hosil bo‘lishi aniqlandi

Shvetsiyada zamonaviy odam hayotining zaruriy qismiga aylanib ulgurgan mahsulotlarni ishlab chiqarishda qancha sanoat chiqindisi hosil bo‘lishini hisoblab chiqishdi, deya xabar bermoqda “TASS”.

Foto: “TASS”

Ma’lum bo‘lishicha, birgina mobil telefonni yaratishda 86 kilogrammlik chiqindilar to‘planib qolar ekan. Bunda ularning katta qismi metallarga ishlov berishda yuzaga keladi.
Loyiha ishtirokchilari boshqa elektron va elektr uskunalar, kiyim-kechak va oziq-ovqatlarni ishlab chiqarish jarayonida paydo bo‘ladigan chiqindilarni ham o‘rganib, ekologiya uchun eng ko‘p muammolarni aynan elektr mahsulotlari keltirib chiqarishini aniqladi.
Boshqa mahsulotlar bo‘yicha chiqindilar miqdori quyidagicha: 1 kg tovuq go‘shti ishlab chiqarishda 860 g chiqindi hosil bo‘ladi, 1 kg mol go‘shti — 4 kg chiqindi, 1 l sut — 97 g, elektrodrel — 51 kg, paxta tolasidan shim — 25 kg, charm poyabzal — 12 kg, bir dona gazeta — 25 g, noutbuk — 1200 (!) kg.
Batafsil | Подробно | Read more... Daryo