Mavritaniya prezidenti zerikkanidan futbolchilarga penaltilar seriyasini muddatidan avval boshlashni buyurdi

Mavritaniya prezidenti Muhammad Uld Abdul Aziz “Tevrag-Zeyna” va “Ksar” klublari o‘rtasida mamlakat Superkubogi uchun kechayotgan o‘yinni muddatidan avval to‘xtatdi, deya xabar bermoqda “Sport Ekspress”.

Foto: Global Look

1:1 hisobi qayd etilgan uchrashuvning 63-daqiqasida stadionda o‘tirgan Mavritaniya prezidenti o‘yin juda zerikarli bo‘lyapti, deb hisoblab, jamoalarga muddatidan avval penaltilar seriyasini boshlashni buyurdi. Yakunda “Tevrag-Zeyna” futbolchilari g‘alabani nishonladi.
“Barchamiz avvallari zerikarli futbol o‘yinlarini ko‘rib, ular tezroq tugashini istaganmiz, biroq juda kamchilikdagina bunga qandaydir ta’sir o‘tkazish imkoniyati bor”, — deya ta’kidladi Aziz.
Batafsil | Подробно | Read more... Daryo