“UyBor.uz” portali Toshkent shahridagi kvartiralar ijarasiga oid ma’lumotlarni keltirdi

2015-yilning noyabr oyida Toshkent shahridagi xonadonlar ijarasining o‘rtacha narxlari joriy yilning oktabr oyi bilan solishtirilganda 7% ga arzonlashdi va 1 kvadrat metr uchun ijara qiymati 6,3 shartli birlikni tashkil etdi. So‘nggi bir necha oylar davomida ko‘chmas mulk narxlarining pasayishi bilan bir qatorda ijara naxlarining ham pasayishi kuzatilmoqda.
Kvartilarlarni ijaraga olish narxlarining sezilarli darajada pasayishi Toshkent shahrining Mirobod, Shayxontohur va Yunusobod tumanlarida kuzatildi.

Foto: “UyBor.uz”

Toshkent shahri bo‘yicha ijaraga beriladigan eng qimmat xonadonlar Mirobod tumanida joylashgan bo‘lib, ushbu hududda 1 kv.m uchun ijara narxi 2015-yilning noyabr oyida 7.6 sh.b. ni tashkil etdi. Ijaraga beriladigan eng arzon kvartiralar esa Toshkent shahrining Bektemir va Sirg‘ali tumanlarida joylashgan bo‘lib, mazkur hududlardagi kvartiralar ijarasining o‘rtacha 1 kv.m 2,8 va 3,3 sh.b. ni tashkil etmoqda.
Shuni ta’kidlash joizki, tumanlar ichidagi narxlarda ham ancha sezilarli tafovutlar mavjud. Xususan, ijaraga berish uchun taklif etilayotgan xonadonlarning eng qimmatlari Toshkent shahrining Taras Shevchenko va Nukus ko‘chalarida hamda Oybek metrosi atroflarida joylashgan.

Foto: “UyBor.uz”

Shuningdek, ijaraga berilayotgan xonadonlar soni bo‘yicha Mirobod va Mirzo Ulug‘bek tumanlari yetakchilik qilmoqda, mazkur tumanlar Toshkent shahri bo‘yicha jami ijaraga berilayotgan xonadonlar bo‘yicha taklifning 54 foizini tashkil etmoqda. O‘z navbatida ijaraga berilayotgan xonadonlarning keyingi o‘rinlari Yunosobod va Yakkasaroy tumanlariga to‘g‘ri keladi va ular jami taklifning 18 va 8 foizini tashkil qilmoqda.
Talab nuqtai nazaridan Toshkent shahrida ikki va uch xonali kvartiralarga qiziqish katta bo‘lib, ular jami talabning 65 foizini tashkil etadi.

Foto: “UyBor.uz”

Toshkent shahrida ijaraga berilayotgan xonadonlarning o‘rtacha narxi 1 xonali kvartiralar uchun 242 sh.b., 2 xonalilari uchun 361 sh.b. ni va 3 xonalilari uchun 565 sh.b. ni tashkil etdi.
Ba’zi tumanlar bo‘yicha kvartiralar ijara narxlari (sh.b. da ko‘rsatilgan)




1 xona
2 xona
3 xona


Mirobod
286
476
732


Yakkasaroy
260
454
651


Mirzo Ulug‘bek
210
322
486


Shayxontohur
173
337
535


Yunusobod
231
295
420


Yashnobod
159
274
346


Toshkent shahri bo‘yicha o‘rtacha narx
225
355
529



Ushbu narxlar tanlangan toifadagi o‘rtacha ko‘rsatkichlardir. 100—150 sh.b. oralig‘ida ijara uchun arzon kvartiralar bo‘yicha takliflar shahar markazidan uzoqdagi Feruza mavzesi, TTZ, Qorasuv, Sirg‘ali, Chilonzor va Yunusobod tumanlarining ayrim hududlarida mavjud. Tabiiyki, ijaraga berilayotgan xonadonlar narxlariga kvartiraning qulay joylashuvi va undagi xonalar sonidan tashqari xonadoning umumiy holati, unda mebel va maishiy texnikaning mavjudligi, jamoat transportining yaqinligi kabi qator omillar ta’sir ko‘rsatadi.
Ushbu ma’lumotlar “UyBor.uz” portalida ijaraga berilayotgan takliflarning o‘rtacha narx ko‘rsatkichlari asosida tayyorlangan. “Uybor.uz” va / yoki “Daryo” nashri ma’muriyati, ushbu hisobot asosida qabul qilingan qarorlar uchun javobgar emas. Ko‘chmas mulk ijarasi masalasida professional maslahatga ega bo‘lish uchun Ko‘chmas mulk agentiklariga murojaat eting.
Reklama huquqi asosida
Batafsil | Подробно | Read more... Daryo