Rossiyaning veterinar va fitosanitar nazorat xizmati Turkiyaga 108 tonna tovuq go‘shtini qaytarib yubordi

Rossiya veterinar va fitosanitar nazorat federal xizmatining Kaliningrad viloyati bo‘yicha boshqarmasi Turkiyaga 108 tonna tovuq go‘shtini qaytardi. Bu haqda xizmat saytida xabar qilingan, deya ma’lum qiladi “Gazeta.ru”.

Foto: “NTV”

“To‘rtta konteynerdagi mahsulotlarni tekshirish chog‘ida yaroqlilik muddati yozuvi o‘zgartirilgani aniqlandi. Ulardan birida muddati shu yilning 14-aprelida o‘tib ketgan mahsulot borligi ma’lum bo‘ldi. Veterinar nazorat yakunlari bo‘yicha barcha mahsulot ishlab chiqaruvchiga qaytarildi”, — deyiladi mazkur xabarda.
Bu Rossiyaning ushbu viloyatidan Turkiyaga qaytarilgan ilk oziq-ovqat mahsuloti emas: noyabr oxirida Kaliningradga yetkazilgan 54 tonna tovuq go‘shti ham yaroqsiz deb topilib, Turkiyaga qaytarib yuborilgandi.
Batafsil | Подробно | Read more... Daryo