AQShda Suett “sharpa-shahri” 250 ming dollarga sotuvga qo‘yildi

Janubiy Dakota shtatida joylashgan va deyarli butun aholisi tark etib ketgan Suett nomli kichik shaharcha AQShda sotuvga qo‘yildi. Bu haqda “TASS” xabar beradi .

Foto: “TASS”

Ko‘chmas mulk savdolari bo‘yicha maxsus vakil Steysi Montgomerining aytishicha, uni 250 ming AQSh dollariga xarid qilish mumkin.
Suett shahri Rapid Sitidan 160 kilometr janubi-sharqda joylashgan bo‘lib, kichik mayxona, bir qavatli uy, bir nechta xo‘jalik qurilmalari, shu jumladan, sobiq shinomontaj ustaxonasi va artezian qudug‘idan iborat. Cheksiz dasht sarhadlarida yo‘qolib ketgan va shahar maqomiga ega bo‘lgan ushbu joyning hududi taxminan 0,02 kvadrat kilometrni tashkil etadi. U yerga asfaltlashtirilgan avtomobil yo‘li olib boradi.
1940-yillarda Suett aholisi o‘zining eng yuqori ko‘rsatkichiga yetib, taxminan 40 kishini tashkil etgan. O‘sha vaqtda u yerda pochta va do‘kon ham bo‘lgan. Hozirgi kunga kelib, shaharda yashovchi aholidan faqat ikki kishi – shahar egasi Lens Benson va uning turmush o‘rtog‘i qolgan. Ular bilan birga bir kuchuk ham yashaydi. 1998-yilda shaharni sotib olgan Benson keyinchalik ajrashish jarayoni talabiga muvofiq undan voz kechishga majbur bo‘ldi, biroq 2012-yilga kelib Suettni yana sotib oldi.
Batafsil | Подробно | Read more... Daryo