Toshkentda “SOS – O‘zbekiston bolalar mahallalari” uyushmasi 2 kunlik seminar o‘tkazdi

30-noyabr—1-dekabr kunlari Toshkentdagi Grand Orzu mehmonxonasida “Bolalarni himoya qilish tizimini mustahkamlash va ijtimoiy yetimlik profilaktikasi masalalarini OAVlarda yoritish” mavzusida ikki kunlik seminar bo‘lib o‘tdi, deya xabar bermoqda “SOS – O‘zbekiston bolalar mahallalari” uyushmasi matbuot xizmati.

Foto: “SOS – O‘zbekiston bolalar mahallalari”

Unda axborot agentliklari, tele- va radiokanallar, gazeta va jurnallar, veb-saytlar xodimlari qatnashdi.
Seminarda ta’kidlanishicha, bolalar muassasalari tarbiyalanuvchilarining 15 foizdan kamrog‘igina ota-onalarini yo‘qotgan, bu bolaning davlat qaramog‘iga berilishining oldini olish maqsadida oilalarga ko‘mak berish bo‘yicha profilaktika ishlari va ijtimoiy xizmatlar yetarli darajada olib borilmayotganidan darak beradi.

Foto: “SOS – O‘zbekiston bolalar mahallalari”

Seminarda jurnalistikaning turli sohasi mutaxassislari bolalar salomatligini ta’minlash qonunchiligi va mexanizmlari, ijtimoiy zaif oilalar va bolalar bilan ishlash amaliyoti haqidagi tushunchalarini mustahkamlash imkoniyatiga ega bo‘ldi.
Batafsil | Подробно | Read more... Daryo