Yevropaning eng keksa ayoli 116 yoshini nishonladi

Yevropaning eng keksa ayoli, uzoq umr ko‘rish bo‘yicha dunyoda ikkinchi o‘rinda turuvchi Emma Morano o‘tgan yakshanba, 29-noyabr kuni o‘zining 116 yoshini nishonladi, deb xabar beradi “Korrespondent.net”.

Foto: AP Photo

U tug‘ilgan kunini Italiyaning Verbaniya shahridagi ikki xonali uyida o‘tkazdi. “Men yaxshiman, shunday ekan men sizlar bilan qolaman”, — dedi u uyiga kelgan mehmonlarga.
Bir yil avval The New York Times gazetasiga bergan intervyusida u o‘zining uzoq yashash siri haqidagi savolga javob berar ekan, 1938-yilda yetti oylik bolasining o‘limidan so‘ng zolim erini tashlab ketganligini so‘zlab bergan edi.
Ikkinchi sabab qilib u o‘z ratsioniga uchta tuxumni kiritganligini ma’lum qildi. Ayol 20 yoshligida shifokorlar unda kamqonlikni aniqlab, har kuni ikkita xom va bitta qaynatilgan tuxum iste’mol qilishni tavsiya qilgan edi. Morano bu qoidaga hozirgacha amal qilib kelmoqda.
Batafsil | Подробно | Read more... Daryo