Kreml Chernogoriya NATOga a’zo bo‘lsa, javob choralarini ko‘rishga va’da berdi

Rossiya prezidenti matbuot kotibi Dmitriy Peskov mamlakat Chernogoriyaning Shimoliy Atlantika alyansiga qo‘shilishiga javoban chora ko‘rishini ma’lum qildi, deb yozadi “RBK”.

Foto: “RIA Novosti”

Peskov so‘zlariga ko‘ra, Moskva avvalroq NATOning Sharqqa qarab kengayib borishi tenglikni saqlab turish nuqtai nazaridan Rossiya xavfsizligi manfaatlarini ta’minlash bo‘yicha javob harakatlariga olib kelmasidan iloji yo‘qligini ta’kidlab kelgan.
Peskovning aniqlik kiritishicha, Putin hozircha Chernogoriyaning NATOga qo‘shilishi borasida o‘z nuqtai nazarini ma’lum qilganicha yo‘q.
Nashr eslatishicha, avvalroq Federatsiya Kengashining mudofaa va xavfsizlik qo‘mitasi rahbari Viktor Ozyorov Chernogoriya NATOga kirsa, Rossiya u bilan hamkorlikdagi dasturlardan voz kechishini aytgan edi.
Eslatib o‘tamiz, 2-dekabr, chorshanba kuni NATO mamlakatlari tashqi ishlar vazirlari Chernogoriyani Shimoliy Atlantika alyansiga taklif qilishni tasdiqladi .
Batafsil | Подробно | Read more... Daryo