Yo‘lbars Amur echki Timurga ov sirlarini o‘rgatmoqda va idishidan suv ichishiga ruxsat berdi (video)

Rossiyaning Primorye o‘lkasidagi safari bog‘ida yashovchi Amur laqabli yo‘lbars do‘sti Timur laqabli echkiga ov sirlarini o‘rgata boshladi. Bu haqda “Interfaks” xabar beradi .

Foto: “Russkaya vesna”

“Yo‘lbars sayr davomida o‘zini xuddi ovdagidek tutmoqda. Timur esa unga biroz taqlid qilib, yirtqichning harakatlarini qaytarmoqda. Biroq ov qilishni boshlamasa kerak”, — deydi safari bog‘ direktori Dmitriy Mezensev.
Kuni kecha echki uni volyerga olib borishga uringan safari bog‘ xodimidan qo‘rqib ketdi. O‘zini tinchlantirish uchun esa Amurning yoniga yo‘l oldi.
“Timur odamlardan qo‘rqadi. Odamlar u uchun dushman, yirtqichlar”, — deydi Mezensev. Uning ta’kidlashicha, yo‘lbarsning do‘sti paydo bo‘lgandan keyin u ancha o‘zini bosib olgan va o‘kirishni bas qilgan.
Keyingi kun Amur va Timur bog‘da birga sayr qilgan, yo‘lbars hatto echkiga idishidan suv ichishiga ruxsat bergan.
Eslatib o‘tamiz, yo‘lbars Amur va echki Timur 26-noyabr, payshanba kuni mashhur  bo‘lib ketdi . Ma’lum bo‘lishicha, yo‘lbars unga ozuqa sifatida berilgan echkini, echki yo‘lbarsdan qo‘rqmagani sabab, tanovul qilishdan bosh tortgan.
Ular alohida boshpanaga joylashtirilgandan so‘ng esa yo‘lbars Amur o‘kira boshlagan .




Batafsil | Подробно | Read more... Daryo