Noma’lum allergen rossiyalik maktab o‘quvchisining o‘limiga sabab bo‘ldi

Rossiyaning Belgorod shahri Tergov qo‘mitasi jismoniy tarbiya darsida 12 yoshli qizda kuchli allergik reaksiyani yuzaga keltirib, uning o‘limiga sabab bo‘lgan allergenni aniqlash uchun kompleks ekspertiza o‘tkazadi. Bu haqda “RIA Novosti” xabar beradi .

Foto: Fotolia

Fojiali hodisa 24-sentabr kuni Belgorod shahridagi maktablardan birida yuz berdi. 300 metr masofaga yugurish davomida 12 yoshli qiz o‘zini yomon his qildi va hushini yo‘qotdi. Voqea joyiga yetib kelgan tez yordam jamoasi bolaning hayotini saqlab qola olmadi.
“Dastlabki taxmin – o‘tkir yurak yetishmovchiligi tasdiqlanmadi. Bu organizmning allaqanday allergenga bo‘lgan reaksiyasidir. Biroq ekspertiza aynan qanday allergen ekanligini ma’lum qilmadi. Shu sababli kompleks sud-tibbiy ekspertizasini o‘tkazamiz”, — deydi Tergov qo‘mitasi boshqarmasi rahbarining katta yordamchisi Yelena Koziryova.
Batafsil | Подробно | Read more... Daryo