Avstraliya parlamenti terrorchilarni fuqarolikdan mahrum etish haqidagi qonun loyihasini ma’qulladi

Avstraliya parlamenti terrorchilikda gumonlanuvchi yoki terrorizm uchun jazoga tortilgan kishilarni fuqarolikdan mahrum etish haqidagi qonun loyihasini qabul qildi. Bu haqda “Vedomosti” xabar beradi .

Foto: “RIA Novosti”

3-dekabr, payshanba kuni parlamentning yuqori palatasi ushbu tuzatishlarni ma’qulladi. Ikki fuqarolikka ega kishilar yangi qonun doirasiga tushadi.
Tegishli tuzatishlar Avstraliya hukumati tomonidan ishlab chiqilib, 2015-yilning iyun oyida parlament quyi palatasiga kiritilgan edi. Qonun yuqori palata tomonidan ma’qullangandan so‘ng, Avstraliya Oliy sudi tomonidan rad etilishi ham mumkin.
Hukumat ma’lumotlariga qaraganda, IShID safida 90 nafardan kam bo‘lmagan avstraliyalik kurashayotgan bo‘lishi mumkin. Ularning yarmiga yaqini ikki davlatning fuqaroligiga ega. Mamlakat bosh prokurori Jorj Brendis ularning Avstraliyaga nisbatan xoinlik qilganligini va uning fuqarosi bo‘lishga loyiq emasligini ma’lum qildi.
Batafsil | Подробно | Read more... Daryo