O‘zbekistonga olib berilgan medal, FIFAning uyquchi rahbari, sanksiyalardan qo‘rqmas Turkiya va kunning boshqa muhim yangiliklari

“Daryo”da doimiy rukn — har kuni eng muhim yangiliklarning kechki dayjesti berib boriladi.

Foto: O‘zbekiston Milliy olimpiya qo‘mitasi matbuot xizmati

1. Incheondagi Osiyo o‘yinlarida Janubiy koreyalik suzuvchilar qo‘lga kiritgan bronza O‘zbekistonga olib berildi . Koreyslardan olingan takroriy doping-test natijalari o‘zbekistonliklar uchun quvonchli bo‘ldi.
2. Davuto‘g‘li: Turkiyani iqtisodiy sanksiyalar bilan tiz cho‘ktirib bo‘lmaydi . Avvalroq Rossiya Turkiyaga nisbatan sanksiyalar joriy etgan va turklarga nisbatan viza tartibini qayta tiklagandi . Turkiya esa ruslar uchun eshigi ochiqligini bildirdi .
3. FIFA prezidenti vazifasini vaqtincha bajaruvchi matbuot yig‘ilishida uxlab qoldi . Tashkilotning hali haqiqiy prezidenti esa tashkilotning faxriy rahbariga aylanmoqchi . Ha-ya, FIFAning yangi reytingida Samvel Babayan murabbiyligidagi jamoa pastladi .
4. O‘zbekistonda 2016-yilda oylik ish haqi va pensiyalar miqdori inflyatsiya sur’atlaridan ortiq darajada oshiriladi . Senatning yalpi majlisida, bundan tashqari, amnistiya to‘g‘risidagi qaror qabul qilindi , kelasi yil uchun Davlat budjeti ma’qullandi , yangi Bojxona kodeksi tasdiqlandi , “Elektron hukumat” haqidagi qonun va ish o‘rinlari to‘g‘risidagi dastur ko‘rib chiqildi.
5. Afg‘onistondagi “Tolibon” harakati yetakchisi olgan jarohatlari tufayli halok bo‘ldi . O‘zini boshliqdek his qilishga ham ulgurmagan Mulla Axtar Muhammad Mansur ichki nizolar qurboni bo‘ldi.
Batafsil | Подробно | Read more... Daryo