Germaniya kompaniyasi Toshkent mexanika zavodi bazasida yuk ko‘tarish mashinalari kranlarini ishlab chiqarishni yo‘lga qo‘yadi

“O‘zbekiston temir yo‘llari” aksiyadorlik jamiyati va Germaniyaning Teichmann Group kompaniyalari o‘rtasida anglashuv memorandumi imzolandi. Bu haqda “O‘zbekiston temir yo‘llari” matbuot xizmati xabar bermoqda .

Foto: Teichmann Krane

Unga ko‘ra, Teichmann Group kompaniyasi “O‘zbekiston temir yo‘llari” aksiyadorlik jamiyati tarkibiga kiruvchi Toshkent mexanika zavodi bazasida yuk ko‘tarish mashinalari kranlari va mexanizmlarini modernizasiya qilish, tiklash va ishlab chiqarishni yo‘lga qo‘yish bo‘yicha investitsiya loyihasini amalga oshiradi.
Xabar berishlaricha, memorandum 5—6-noyabr kunlari Toshkent shahrida bo‘lib Xalqaro investitsiyaviy forumda imzolangan.
Qayd etish joiz, O‘zbekiston Prezidentining 2015-yil 30-apreldagi qaroriga muvofiq, Toshkent mexanika zavodida to‘rt yo‘nalishda 38 loyihani amalga oshirish ko‘zda tutilgan. Shundan 14 loyiha yuk va yo‘lovchi vagonlari, sovutgich va konteynerlar, butlovchi qismlar ishlab chiqarish kabi yo‘nalishlarga taalluqli.
Batafsil | Подробно | Read more... Daryo