O‘zbekiston Respublikasi Oliy Majlisi Senatining to‘rtinchi yalpi majlisi o‘z ishini yakunladi

2015-yil 3-dekabr kuni ochilgan O‘zbekiston Respublikasi Oliy Majlisi Senatining to‘rtinchi yalpi majlisi 4-dekabrda o‘z ishini davom ettirdi. Bu haqda O‘zA xabar bermoqda .

Foto: O‘zbekiston Respublikasi Oliy Majlisi Senatining Axborot xizmati

Yalpi majlisning ikkinchi kunida senatorlar “O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida”gi O‘zbekiston Respublikasi qonunini ko‘rib chiqdi .
Shundan so‘ng senatorlar “ Veterinariya to‘g‘risida ”gi O‘zbekiston Respublikasi qonunining yangi tahririni va “ Dori vositalari va farmatsevtika faoliyati to‘g‘risida ”gi O‘zbekiston Respublikasi qonunining yangi tahriri ma’qulladi.
Senatorlar O‘zbekiston Respublikasi Bosh prokurorining qonuniylikni mustahkamlash, fuqarolar va tadbirkorlik subyektlarining huquq hamda qonuniy manfaatlari himoyasini ta’minlash bo‘yicha ko‘rilayotgan chora-tadbirlar to‘g‘risidagi hisobotini tingladi.
Bundan tashqari, senatorlar O‘zbekiston Respublikasi Konstitutsiyaviy sudi va Oliy sudi tarkibiga o‘zgartishlar kiritish to‘g‘risidagi masalalarni, shuningdek, O‘zbekiston Respublikasi Oliy Majlisi Senatining vakolatiga kiradigan boshqa masalalarni ko‘rib chiqdi.
Ko‘rib chiqilgan barcha masalalar yuzasidan O‘zbekiston Respublikasi Oliy Majlisi Senatining tegishli qarorlari qabul qilindi.
Umuman olganda, Senat yalpi majlisining yakunlariga ko‘ra 15 ta masala, shu jumladan, 7 ta qonun ko‘rib chiqildi.
Shu bilan O‘zbekiston Respublikasi Oliy Majlisi Senatining to‘rtinchi yalpi majlisi o‘z ishini yakunladi.
Batafsil | Подробно | Read more... Daryo