Seulda o‘n minglab kishilar namoyishga chiqib, prezident iste’fosini talab qildi (foto)

Seulning bir necha o‘n ming aholisi 5-dekabr, shanba kuni Janubiy Koreya prezidenti Pak Kin Xe siyosatiga qarshi norozilik aksiyasiga chiqdi, deya xabar bermoqda “Yonxap”. Ular davlat rahbarining iste’fosini talab qilmoqda. Aksiyada, politsiya ma’lumotlariga ko‘ra, 14 ming kishi ishtirok etmoqda.

Foto: Twitter / @JunMichaelPark

Koreyaliklar Xitoy bilan erkin savdo bo‘yicha erishilgan bitimdan norozi — Pak Kin Xeni mahalliy fermerlarga xiyonatda ayblashmoqda. Ular xitoylik tadbirkorlar bilan kuchli raqobatdan xavfsirab, imtiyozlar talab qilmoqda.

Foto: Twitter / @JunMichaelPark

Bundan tashqari, fuqarolar tarixni qayta yozishga urinishga qarshi, xususan, o‘rta va oliy ta’lim muassasalari uchun tarix bo‘yicha yagona davlat darsligini yaratish rejalari ularda norozilik uyg‘otgan.

Foto: Twitter / @JunMichaelPark


Foto: Twitter / @JunMichaelPark

Aksiya tinch o‘tmoqda. Ishtirokchilar niqob kiyib olib, raqs tushmoqda, kuylamoqda, do‘mbira chalib, shiorlarni baqirib aytmoqda.
Batafsil | Подробно | Read more... Daryo