Xonanda Botir Qodirov “Istiqlol” san’at saroyida tamaki chekkani uchun jarimaga tortildi

“Istiqlol” san’at saroyida o‘z konserti vaqtida sahnaga chiqishga tayyorlanayotgan xonanda Botir Qodirov tamaki chekkani uchun jarimaga tortildi. Bu haqda “Istiqlol” san’at saroyi qo‘riqlash xizmati boshlig‘i Yusuf Bobojonov “Darakchi” gazetasiga ma’lum qildi.

Foto: “Sayyod.com”

“Botir Qodirov chekkani uchun, jarimaga tortildi. Shu paytgacha hatto eng mashhur san’atkorlar ham bu yerda chekmagan. Nega endi hammaga barobar bo‘lgan qonun Botir Qodirovni chetlab o‘tishi kerak?!”, — dedi Yu.Bobojonov.
“Ichki tartiblarga javob bersa, konsert qo‘yishsin, bo‘lmasa saroyimizda bunday xonandalarga o‘rin yo‘q”, — deya qo‘shimcha qildi “Istiqlol” san’at saroyi qo‘riqlash xizmati boshlig‘i.
Avvalroq Botir Qodirov o‘z konserti vaqtida uning oilaviy hayoti haqidagi kitobni ko‘rib qolib, jahl ustida sahnani tashlab chiqqani, so‘ng “Istiqlol” san’at saroyiga moddiy zarar yetkazgani haqida xabar berilgan edi .


Rashid Xoliqov: tamakining turgan-bitgani tashvish, sog‘liqqa zarar



Batafsil | Подробно | Read more... Daryo