O‘zbekiston xalq artisti Erkin Komilov: zamon qahramoni bu — Prezidentimiz

O‘zbekiston xalq artisti, aktyor Erkin Komilov kino va teatr ijodkorlarining oldidagi vazifa bu — zamon qahramonini gavdalantirish ekanligini yana bir bor eslatib o‘tdi. Bu haqda san’atkor “Darakchi” gazetasiga bergan intervyusida aytib o‘tdi.

Foto: “Sahro.net”

“Yashirmayman, bugungi kundagi o‘zbek kinosidan to‘la qoniqmayman. Boisi, kino oilaviy mojaro, yomon qaynona, sevgi-muhabbat kabi yengil mavzularga o‘ralashib qolgan”, — dedi aktyor.
“Ijodkorlarning oldidagi vazifa bu — zamon qahramonini gavdalantirish. Afsuski, dramaturgiyamiz oqsagani bois, bugun ekranda zamon qahramonlari yo‘q”, — dedi Erkin Komilov.
“Zamon qahramoni bu — osmonimiz musaffoligi, yurtimizning tinchligini ta’minlayotgan chegarachilar va, albatta, osoyishtaligimizga putur yetmasligi uchun odilona siyosat olib borayotgan Prezidentimiz”, — deya qo‘shimcha qildi O‘zbekiston xalq artisti.
Batafsil | Подробно | Read more... Daryo