Tojikistondagi zilzilada bir kishi qurbon bo‘ldi

Tojikistonda zilzila ta’sirida tosh ko‘chishi oqibatida bir kishi halok bo‘ldi, deya xabar bermoqda “RBK” mahalliy OAVlarga tayanib. Bunda gap Tog‘li Badaxshon viloyati Vanch tumanidagi avtotrassada ketayotgan yuk mashinasi haydovchisi haqida bormoqda.

Foto: “Express-k.kz”

Avtomobil harakatlanayotgan vaqtda uning ustiga tosh yog‘ilgan, natijada mashina yo‘ldan chetga chiqib ketgan. Yana ikkita avtomobilga zarar yetgan, biroq haydovchilar jabr ko‘rmagan.
Tojikiston hukumati qoshidagi Favqulodda vaziyatlar qo‘mitasi ma’lumotlariga ko‘ra, zilzila epitsentri joylashgan Tog‘li Badaxshon viloyati tabiiy ofatdan eng ko‘p zarar ko‘rgan. Jumladan, Bartang tumanidagi qishloqlardan birida o‘n kishi turli jarohatlar olgan.
Eslatib o‘tamiz, Tojikistonda 7-dekabr, dushanba kuni soat 12:50 da ro‘y bergan zilzila O‘zbekiston shaharlarida ham sezildi . “Toshkent” markaziy seysmostansiyasidan ma’lum qilishlaricha, zilzila epitsentri Toshkent shahridan 430 kilometr uzoqlikda, Tojikiston hududida bo‘lgan, magnitudasi 7,3 ga yetgan.
Batafsil | Подробно | Read more... Daryo