Xodorkovskiy Nefteyugansk merining qotilligi bo‘yicha ishda ayblanmoqda

Mixail Xodorkovskiyga nisbatan Nefteyugansk meri Vladimir Petuxovning qotillik ishi yuzasidan sirtdan ayblov e’lon qilindi, deb xabar beradi “RBK”.

Foto: Reuters

Avvalroq Tergov qo‘mitasi Xodorkovskiy ushbu jinoyat ishining buyurtmachisi bo‘lishi mumkinligini ma’lum qilgan edi.
YuKOS neft kompaniyasining sobiq rahbari Mixail Xodorkovskiy Twitter’dagi akkauntida uning otasiga 7-dekabr, dushanba kuni keltirilgan chaqiruv qog‘ozini chop etdi. Chaqiruv qog‘ozida ma’lum qilinishicha, Mixail Xodorkovskiy 11-dekabr kuni 18/35-03-raqamli jinoyat ishi yuzasidan aybdor sifatida so‘roq qilinishi uchun Tergov qo‘mitasiga kelishi lozim.
Petuxov 1998-yilning 26-iyunida Xodorkovskiyning tug‘ilgan kunida o‘ldirilgan edi. 2005-yilda ushbu qotillik ishi bo‘yicha YuKOS neft kompaniyasi xavfsizlik xizmatining sobiq xodimi Aleksey Pichuginga nisbatan ayblov e’lon qilinib, u umrbod qamoq jazosiga mahkum qilingan edi.
Batafsil | Подробно | Read more... Daryo