Aktrisa Gvinet Peltrouning Nyu-Yorkdagi do‘konidan 173 ming dollarlik bezaklar o‘g‘irlandi

Mashhur aktrisa Gvinet Peltrouga tegishli bo‘lgan Nyu-Yorkdagi do‘kondan jami 173 ming 465 dollar qiymatidagi zargarlik buyum va soatlari o‘g‘irlab ketildi. Bu haqda megapolisning politsiya boshqarmasi bergan ma’lumotlarga asosan “TASS” xabar qilmoqda .

Foto: “Nydailynews”

Politsiya ma’lumotiga ko‘ra, o‘g‘irlikni uch nafar shaxs Goop Mrkt nomli do‘konda, do‘kon ishlab turgan vaqtda, 5-dekabr, shanba kuni sodir etgan. O‘g‘rilarning ikkitasi sotuvchilarni chalg‘itib turganda, ularning uchinchi sherigi bildirmasdan o‘tkir moslama yordamida qimmatbaho buyumlar bo‘lgan vitrinani ochgan.
Peltrou o‘zining dizaynerlik kiyim va aksessuarlar do‘konini Nyu-Yorkning Manxetten hududida 2015-yil 23-noyabrda ishga tushirgan edi. Uning shu kabi savdo do‘konlari Dallas, Chikago va Los-Anjeles shaharlarida ishlab turibdi. Do‘konlarda mashhur Valentino moda uyi bilan hamkorlikda ishlab chiqarilgan buyumlar sotiladi.
Batafsil | Подробно | Read more... Daryo