Bilol Erdo‘g‘on: IShID mamlakatim va butun dunyoning dushmani, ular bilan hech qanday biznes aloqalarimiz yo‘q

Turkiya prezidentining o‘g‘li Bilol Erdo‘g‘on Rossiya rasmiylarining uning oilasi IShID bilan hamkorlik qilayotgani haqidagi ayblovlarini rad etdi. Bu haqda u Italiyaning Corriere della Sera nashriga bergan intervyusida ma’lum qildi, deya xabar beradi “Gazeta.ru”.

Foto: DHA

“IShID mamlakatim va butun dunyoning dushmani. IShID sharmandalikdan bo‘lak narsa emas, u islomni yomon holatda ko‘rsatmoqda, shuning uchun ularni musulmon hisoblamayman, — deya ta’kidlagan Bilol Erdo‘g‘on. — Men boshqarayotgan BMZ kompaniyasi IShID bilan biznes olib bormaydi. Kompaniya dengiz orqali yuk tashish bilan emas, qurilish bilan shug‘ullanadi, O‘rtayer dengizi, Iroq yoki Suriyada biznesi yo‘q”.
Kompaniyasi rossiyalik mijozlar bilan daryo tankerlari qurib berish uchun shartnoma imzolaganini bildirgan Bilol Rossiyaning tajovuzini tushunmayotgani, ushbu mamlakat bilan muloqot o‘rnatish tarafdori ekanligi, ikki davlat o‘rtasidagi qarama-qarshilik o‘zaro manfaatlar uchun zid ekanligini ma’lum qilgan.
Batafsil | Подробно | Read more... Daryo