Braziliya Oliy sudi prezident Dilma Russeffga nisbatan impichmentni ko‘rib chiqishni 16-dekabrga qoldirdi

Braziliya Oliy sudi mamlakatning amaldagi prezidenti Dilma Russeffga nisbatan impichmentni (ishonchsizlik bildirish) ko‘rib chiqishni 16-dekabrga qoldirdi. Bu haqda “RBK” xabar bermoqda .

Foto: “RBK”

Russefning raqiblari kongressdagi uning ishini ko‘rib chiquvchi komissiyada nazoratni qo‘lga olib, 65 o‘rindan 39 tasini qo‘lga kiritgan. Shu bilan birga, 27 shtat gubernatoridan 16 nafari impichment uchun konstitutsiyaviy asos yetarli emasligini ta’kidlagan. Prezidentning o‘zi parlamentni unga qarshi ishni ko‘rib chiqishi uchun an’anaviy qishki tanaffusdan voz kechishga chaqirgan.
Eslatib o‘tamiz, Braziliya prezidenti Petrobras neft kompaniyasida qo‘llanilgan firibgarlik tizimi orqali qo‘lga kiritilgan mablag‘lardan saylovoldi kampaniyasida foydalanganlikda gumon qilinmoqda .
Batafsil | Подробно | Read more... Daryo