“Yandeks” 2015-yildagi eng ommabop so‘rovlarni e’lon qildi

Rossiyaning “Yandeks” qidiruv xizmati qidiruv so‘rovlarini tahlil qilib chiqib, 2015-yilda tizim foydalanuvchilari orasida eng katta qiziqishni keltirib chiqargan asosiy hodisa va voqealar, shuningdek, kishilarni e’lon qildi .

Foto: “Tumix.ru”

Kompaniya ommabop so‘rovlarni 11 ta yo‘nalishga ajratdi, bular mamlakat va dunyodagi voqealar, erkaklar, ayollar, premyeralar, internet, sport, filmlar, Rossiya seriallari, xorijiy seriallar, teleloyihalar va o‘yinlar.
Mamlakat va dunyodagi hodisalar orasida Rossiya samolyotining Misrga qulashi so‘rovlar bo‘yicha yetakchilik qildi. Undan keyingi o‘rinlarni Suriyadagi urush va IShID hamda G‘alabaning 70 yilligiga bag‘ishlangan parad egalladi.
“Erkaklar” kategoriyasida yuqori uchlikka shu yil hayotdan ko‘z yumgan siyosatchi Boris Nemsov va musiqachi Batirxan Shukenov, shuningdek, Comedy Club rezidenti Timur Batrudinov kirdi. Ayollar orasida ism-sharifi “Yandeks”da eng ko‘p qidirilganlar marhum qo‘shiqchi Janna Friske, “Yevrovideniye—2015” da Rossiya nomidan qatnashgan Polina Gagarina va Nemsov o‘ldirilgan tunda unga hamrohlik qilgan ukrainalik model Anna Duritskaya bo‘ldi.
Shu yilgi premyeralardan Samsung Galaxy S6 smartfoni va Windows 10 operatsion tizimi taqdimotlari foydalanuvchilarni eng ko‘p qiziqtirgan.
Filmlar ichida so‘rovlar bo‘yicha  “Kulrangning 50 ta tusi”, “Qasoskorlar”ning so‘nggi qismi va yettinchi “Forsaj” yetakchilik qildi.
Batafsil | Подробно | Read more... Daryo