Viktor Yanukovich 2013-yili Rossiyadan katta miqdorda kredit olganligi sabablarini ma’lum qildi

Ukrainaning sobiq prezidenti Viktor Yanukovich 2013-yilda Xalqaro valyuta jamg‘armasi (XVJ) mamlakat rasmiylariga qarz berishni rad etganidan so‘ng Rossiyadan 15 milliard dollar kredit olishga majbur bo‘lganini ma’lum qildi. U shu tariqa “kredit Moskva tomonidan berilgan pora bo‘lgan”, degan ovozalarga izoh berib, bunday bayonotlarni “safsatabozlik”, deb atadi. Bu haqda “Korrespondent.net” xabar bermoqda .

Foto: EPA

“Biz turli yo‘llarni qidirdik, ishontirishga harakat qildik, kelishib olingandek ko‘ringandi. Afsuski, taxminan 23-noyabrda XVJdan rasmiy rad javobini oldik. Biz bu pullarga umid qilgandik, shu sababli juda murakkab vaziyatda qoldik”, — deya ta’kidlagan sobiq prezident. Yanukovichning aytishicha, aynan mana shu omillar uni Moskvaga qarz berishni so‘rab, murojaat etishga undagan.
5-dekabr kuni Rossiya moliya vazirligi Ukraina 3 milliard dollarni shu yil 20-dekabriga qadar to‘lamasa, mamlakatni sudga berish bilan tahdid qildi.
Batafsil | Подробно | Read more... Daryo