Kim Chen In “Moranbong” qizlarini Xitoyga jo‘natishga qaror qildi (foto)

Shimoliy Koreya yetakchisi Kim Chen In “Moranbong” qizlar pop-guruhini Pekinga bir haftalik gastrol safarlariga jo‘natishga qaror qildi, deya xabar beradi “Gazeta.ru”.

Foto: “Gazeta.ru”

Pxenyan shu tariqa BMT Xavfsizlik kengashi KXDRda inson huquqlari buzilishini muhokama etadigan majlisi arafasida o‘zining asosiy ittifoqdoshi bilan munosabatlarni yaxshilash niyatida. Inson huquqlari faollari BMT Kim Chen Inni xalqaro sudga berishiga umid qilmoqda, Xavfsizlik kengashida taqiq huquqiga ega Xitoy esa Shimoliy Koreya yetakchisini bunday qismat kutmasligining yagona kafolati bo‘lsa ajab emas.

Foto: “Gazeta.ru”

2012-yili shaxsan Kim Chen Inning ko‘rsatmasi bilan tashkil etilgan “Moranbong” guruhida 21 nafar qiz bor. Janubiy Koreyadagi ko‘psonli jamoalardan farqli ravishda, guruh ishtirokchilari sozlarni o‘zi chaladi.

Foto: “Gazeta.ru”

Undan tashqari, qizlar harbiy unvonlarga ega va muxlislar oldida ham asosan harbiy liboslarda chiqadi. Shunday ekan, mazkur guruhni pop-jamoa emas, harbiy orkestr deb ham atash mumkin.

Foto: “Gazeta.ru”


Batafsil | Подробно | Read more... Daryo