Afg‘onistonda xudkush ayol o‘zini va uch nafar farzandini portlatib yubordi

Afg‘onistonning Jalolobod shahrida rusiy zabon ayol bomba portlatganligi oqibatida, uning o‘zi va uch nafar farzandi, shuningdek, Afg‘oniston maxsus xizmatining tezkor xodimi halok bo‘ldi. Bu haqda “Korrespondent.net” xabar qilmoqda .

Foto: EPA

Nangarxar viloyatining ma’muriy vakili Atoulla Xogioniyning ta’kidlashicha, Xavfsizlik milliy direktoriati xodimlari tomonidan terrorchilar bilan aloqada bo‘lganlikda gumon qilinib, uch nafar farzandi bor rusiy zabon chet ellik ayol qo‘lga olingan.
Mahbuslar so‘roq qilinish va sinchiklab tekshirilish uchun idora bo‘linmasiga avtomashinada olib ketilayotganda, ayol tanasiga bog‘lab qo‘ygan portlovchi moslamani ishga tushirgan.
Sodir bo‘lgan voqea bo‘yicha javobgarlikni “Tolibon” guruhi ham, IShIDni qo‘llab-quvvatlovchi  jangarilar ham o‘z zimmasiga olmagan.
Batafsil | Подробно | Read more... Daryo