Neft narxlari Xalqaro energetika agentligi hisobotidan so‘ng ham pasayishda davom etmoqda

Dunyo neft narxlari tez sur’atlarda pasayishda davom etmoqda, deb xabar beradi “Gazeta.ru”.

Foto: “Vesti.ru”

Xalqaro energetika agentligining 2015—2016-yillarda dunyo bo‘yicha neftga bo‘lgan talab haqidagi hisoboti chop etilgandan so‘ng, London ICE Futures birjasi savdolari mobaynida neftning Brent markasi narxi besh foizdan ortiqroq, 37,8 dollargacha pasaydi. WTI markasi esa uch foizdan ortiq, 35,72 dollargacha arzonlashdi.
Xalqaro energetika agentligi hisobotiga ko‘ra, agentlik 2015-yilda neftga bo‘lgan talabning sutkasiga 1,8 million barrelga, 2016-yilda esa sutkasiga 1,2 million barrelga o‘sishini kutmoqda.
Bundan tashqari, hisobotda ta’kidlanishicha, noyabr oyida jahon bozoriga neft yetkazib berish kuniga 96,9 million barreldan oshgan.
Batafsil | Подробно | Read more... Daryo