Oq uy: 19 mingdan ziyod AQSh qo‘shinlari xorijda joylashtirilgan

Dunyo bo‘ylab 11 ta davlat va boshqa hududlarda joylashgan 15 475 nafar AQSh harbiylari xalqaro terrorizmga qarshi kurashmoqda. Bu haqda “TASS” xabar qilmoqda .

Foto: EPA

Bu haqda Oq uy tomonidan tarqatilgan AQSh prezidenti Barak Obamaning hisobotida ma’lum qilingan bo‘lib, mazkur hisobot Kongressga yuborilgan. AQShning amaldagi qonunchiligiga asosan, davlat rahbari chet elda harbiy xizmatni o‘tayotgan amerikaliklar haqidagi ma’lumotlarni har olti oyda vakillar palatasi va senatga taqdim etib borishga majbur.
Aksilterror operatsiyalariga jalb qilingan harbiylar soni 2015-yil 11-iyunda chop etilgan ma’lumotlarga nisbatan o‘rtacha 2 650 kishiga oshgan.
Obama o‘zining hisobotida alohida ta’kidlashicha, harbiylarning horijga yuborilishiga 2001-yil 11-sentabrdagi teraktlardan keyin Kongress tomonidan terrorchilarga qarshi harbiy kuch ishlatishga ruxsat berilganligi asos bo‘lgan.
12-dekabr, shanba kuni xalqiga nutq bilan murojaat qilgan prezident qonun ishlab chiqaruvchilaridan mazkur ruxsatnomani yangilashni so‘radi. Tegishli tashabbus 10-dekabr, payshanba kuni Kongressga taqdim etilgan.
Batafsil | Подробно | Read more... Daryo