Burundida harbiy bazalarga hujumdan so‘ng 21 kishining jasadi topildi

Burundi poytaxti Bujumbura yaqinida mamlakat harbiy bazalariga uyushtirilgan hujumdan so‘ng kamida 21 kishining jasadi topildi. Bu haqda “TASS” xabar bermoqda .

Foto: AP

Ma’lumotlarga ko‘ra, halok bo‘lganlarning barchasi otib o‘ldirilgan, ulardan ayrimlarining qo‘llari bog‘langan. Jasadlar topilgan hududga hujum uyushtirilmagani aytilmoqda.
11-dekabr, shanba kuni o‘ttizdan ortiq jangari Bujumburadagi uchta, shahar tashqarisidagi bitta harbiy bazaga hujum qilgan. Ulardan 12 nafari yo‘q qilingan, 20 kishi qo‘lga olingan. Mamlakat rasmiylari jangarilar qamoqxonalardan mahbuslarni qochirib yuborish uchun qurol-aslahalarni qo‘lga olmoqchi bo‘lganini ta’kidladi. To‘qnashuvlarni bir guruh harbiylarning hukumatga qarshi isyoni sifatida baholaganlar ham bor.
Burundida mamlakat prezidenti Per Nkurunziza shu yil aprel oyida uchinchi muddatga saylanish rejasini e’lon qilganidan beri tartibsizliklar davom etmoqda. To‘qnashuvlarda hozirgacha 240 dan ziyod odam nobud bo‘lgan.
Batafsil | Подробно | Read more... Daryo