Rossiya Mudofaa vazirligi rossiyalik generalning asir bo‘lganligi haqidagi Ukraina bayonotini rad etdi

Rossiya Mudofaa vazirligi vakili Igor Konashenkov asirga olingan rossiyalik generalni ukrainalik harbiyga almashtirish haqidagi Ukrainaning bayonotini rad etdi. Bu haqda Meduza  xabar qilmoqda .

Foto: “Inforesist”

Konashenkovning ta’kidlashicha, jurnalistlar Ukraina TIV rahbari Pavel Klimkinning gaplarini notog‘ri tushungan. Asirlarni almashtirish haqida gapirar ekan, Klimkin umumharbiy mayor unvonini nazarda tutgan holda ingliz tilida “general major” dedi, lekin aslida shunchaki “major” deyishi kerak edi. Natijada, OAV yanglishgan holda general-mayorni ukrainalik harbiyga almashtirish haqidagi xabarni tarqatdi.
Manbada keltirilishicha, bu yerda Ukraina prezidenti Pyotr Poroshenko tomonidan rossiyalik mayor deb hisoblangan Vladimir Starkovni avf qilinganligi haqida gapirilmoqda. Starkov 14 yil qamoq muddatiga hukm qilingan bo‘lib, shundan keyin avf etildi va ukrainalik odamga almashtirildi.
Batafsil | Подробно | Read more... Daryo