Putin 5-sinf o‘quvchisiga yangi yil munosabati bilan velosiped sovg‘a qildi

Rossiyaning Novosibirsk viloyati Bolotnoye shahrida yashovchi beshinchi sinf o‘quvchisi Mariya Kotovaga Rossiya prezidenti Vladimir Putin velosiped sovg‘a qildi. Bu haqda hududiy hukumat sayti xabar beradi .

Foto: Novosibirsk viloyati hukumati

“Biroz vaqt avval u yangi yil tilaklari yozilgan xatini Rossiya Federatsiyasi prezidentiga yuborgan edi. Bugun, 14-dekabr kuni gubernator Vladimir Gorodetskiy mamlakat prezidenti nomidan qizchaga uzoq kutilgan sovg‘alarni taqdim etdi”, — deyiladi xabarda. Mariya, shuningdek, Moskvaga Kreml archasiga taklif etildi.
Qizcha beshinchi sinfda a’lo baholarga o‘qishi, shuningdek, turli olimpiadalar g‘olibi ekanligi ta’kidlandi. Bundan tashqari, u qo‘shiq kuylash va raqs bilan ham shug‘ullanadi.
Vladimir Putin bolalarga tez-tez sovg‘alar berib turadi. Dekabr oyida Xakasiya Respublikasida yashovchi o‘quvchi qiz va uning singlisi Rossiya prezidentidan xaski zotidagi kuchuk bolasini sovg‘a tariqasida olgan edi .
Batafsil | Подробно | Read more... Daryo