Argentinada jandarmeriya avtobusining halokati oqibatida 42 kishi qurbon bo‘ldi

Argentinada jandarmeriya xodimlari bo‘lgan avtobusning balandlikdan qulab ketishi oqibatida 42 kishi qurbon bo‘ldi, deb xabar beradi “RBK”.

Foto: “Navkolo.me”

Mahalliy hukumat vakili Fransisko Marinaroning ma’lum qilishicha, avtohalokat mamlakat shimoli-g‘arbidagi Salta viloyatida sodir bo‘lgan.
Dastlabki ma’lumotlarga ko‘ra, avtobus 18 metr balandlikdan qulab tushgan. To‘qqiz kishini qutqarib qolishga muvaffaq bo‘lishgan.
Avtobus uchta transport vositasidan iborat kolonnada harakatlanayotgan bo‘lgan. Ularning barchasida davlat chegaralarini qo‘riqlovchi jandarmeriya xodimlari bo‘lgan. Boshqa avtobus yo‘lovchilari halokatga uchragan avtobusning yo‘lovchilarini qutqarishga harakat qilgan.
Mamlakat prezidenti Maurisio Makri halok bo‘lganlarning oilalariga hamdardlik bildirdi. Shuningdek, bundan keyin bu kabi holatlar takrorlanmasligi uchun mamlakat yo‘llar ahvolini yaxshilashi lozimligini ma’lum qildi.
Batafsil | Подробно | Read more... Daryo